2022 წლის მაისში, თბილისში ახალ პროექტებში ტრანზაქციების 66%-იანი ზრდა ფიქსირდება, რაც ძირითადად განპირობებულია მედიუმ და პრემიუმ სეგმენტების მნიშვნელოვანი ზრდით. ძველ პროექტებში კი მაჩვენებელი 39%-ით არის გაზრდილი 2021 წლის მაისთან შედარებით.

2022 წლის მაისში თბილისში ახალაშენებულ მედიუმ სეგმენტის ბინებზე მოთხოვნა თითქმის გაორმაგდა, ეკონომ სეგმენტში კი მაჩვენებელი 44%-ით გაიზარდა. რაც შეეხება პრემიუმ სეგმენტს, ტრანზაქციების რაოდენობა 274%-ით გაიზარდა.

თბილისში ახალაშენებული ბინების საშუალო შეწონილი გასაყიდი ფასი ყველაზე მნიშვნელოვნად გაიზარდა ქალაქის ფართო ცენტრში - 14%-ით, გარეუბნებსა და ქალაქის ცენტრში კი - 10% და 3%-ით. ძველ ბინებს რაც შეეხება, კვლავ ფართო ცენტრში ფიქსირდება ყველაზე დიდი ზრდა - 12%, ქალაქის ცენტრსა და გარეუბნებში კი 8% და 5%.

2022 წლის მაისში ბათუმში საცხოვრებელი ბინების ტრანზაქციების რაოდენობის მკვეთრი ზრდა დაფიქსირდა. გასული წლის მაისთან შედარებით მაჩვენებელი 70%-ით, 1,436 ერთეულამდე გაიზარდა. ბაზრის ზომა კი 66%-ით 59 მილიონ აშშ დოლარამდე გაიზარდა.

ბათუმში ახალაშენებული ბინების ტრანზაქციების რაოდენობა 69%-ით გაიზარდა, ძველ ბინებზე კი 74%-იანი ზრდა დაფიქსირდა

ბათუმში ტრანზაქციების რაოდენობის მკვეთრი ზრდა დაფიქსრიდა ახალაშენებული ბინების ყველა სეგმენტში. ეკონომ სეგმენტის ბინებზე ტრანზაქციების რაოდენობა 63%-ით გაიზარდა, მედიუმ და პრემიუმ ბინებზე კი - 71% და 84%-ით, შესაბამისად

ბათუმში 2022 წლის მაისში ახალაშენებული ბინების საშუალო შეწონილი ფასი უნიშვნელოდ შემცირდა და კვ.მ-ზე 873 აშშ დოლარი შეადგინა. ძველ ბინების შემთხვევაში კი 9.7%-იანი კლება დაფიქსირდა და მაჩვენებელი 621 აშშ დოლარს გაუტოლდა

2021 წელი სავაჭრო ცენტრებისთვის გამომწვევი აღმოჩნდა. მიუხედავად იმისა, რომ მოლების გარკვეულ ნაწილში ვაკანტურობის კოეფიციენტი მკვეთრად გაიზარდა პრეპანდემიურ პერიოდთან შედარებით, ზოგადი მაჩვენებელი სტაბილურ ნიშნულზე შენარჩუნდა “City Mall Saburtalo”-ს მკვეთრად შემცირებული ვაკანტურობის გამო. რაც შეეხება საიჯარო მაჩვენებელებს, მნიშვნელოვანი კლება შეინიშნება გარკვეულ სავაჭრო ცენტრებში, თუმცა გამონაკლისი შემთხვევების ხარჯზე ზოგადი სურათი არ შეცვლილა.

თბილისის ძირითადი სავაჭრო ქუჩები შედარებით მოწყვლადი აღმოჩნდა პანდემიის მიმართ, გაზრდილი ვაკანტურობის კოეფიციენტისა და შემცირებული საიჯარო მაჩვენებლების კუთხით. პეკინის გამზირი შედარებით რეზისტენტული აღმოჩნდა პანდემიის მიმართ, კვ.მ-ზე 32 აშშ დოლარის საიჯარო მაჩვენებლითა და 6%-იანი ვაკანტურობის კოეფიციენტით.

ეკონომიკური აქტივობისა და ტურისტული ნაკადების აღდგენასთან ერთად, თბილისის კომერციულ ბაზარზე დატვირთულობის და ბრუნვის მაჩვენებლის აღდგენა შეინიშნება.

პანდემიის პირობებში თბილისში საერთო სამუშაო სივრცეების დატვირთულობა 61%-ს შეადგენდა. ახალი სივრცეების გასხსნის შედეგად გაზრდილი ტევადობის პარალელურად, 2021 წელს დატვირთულობის იგივე მაჩვენებელი შენარჩუნდა.

ვაკანტურობის კოეფიციენტმა 21% შეადგინა, რაც მნიშვნელოვანი ზრდაა პრეპანდემიურ პერიოდთან შედარებით.