ბათუმში 2025 წლის მარტში ახალაშენებული ბინების ტრანზაქციების რაოდენობა 12%-ით გაიზარდა, ძველი ბინების შემთხვევაში კი 46.5%-იანი კლება დაფიქსირდა.  

2025 წლის მარტში თბილისში ახალ პროექტებში ტრანზაქციების 4.2%-იანი ზრდა ფიქსირდება, ტრანზაქციების რაოდენობა გაზრდილია, როგორც პირველად, ასევე, მეორეულ ბაზარზე. გასათვალისწინებელია, რომ ახალ კორპუსებში პირველად ბაზარზე ტრანზაქციების ნაწილს დეველოპერები გვიან არეგისტრირებენ, რაც ართულებს პირველადი ბაზრის ზუსტი სურათის აღქმას. ძველ პროექტებში ნარჩუნდება კლების ტენდენცია - 2024 წლის მარტთან შედარებით მაჩვენებელი 15.5%-ით არის შემცირებული.

2025 წლის მარტში თბილისში ახალაშენებული ბინების საშუალო შეწონილი გასაყიდი ფასი 2024 წლის მარტთან შედარებით 27.7%-ით გაიზარდა ფართო ცენტრში, ქალაქის ცენტრში 21%-იანი ზრდა დაფიქსირდა, ხოლო გარეუბანში საშუალო შეწონილმა ფასმა 7.3%-ით მოიმატა. ამხელა ზრდის განმაპირობებელი ძირითადად პირველადი ბაზარია, სადაც ტრანზაქციები გვიან რეგისტრირდება, რის გამოც ფასების ზრდის ტრენდი არ ასახავს რეალობას. ახალაშენებული ბინების მეორეულ ბაზარზე კი საშუალო შეწონილი ფასი ქალაქის მასშტაბით 11.6%-ით გაიზარდა.

2025 წლის თებერვალში თბილისში ახალ პროექტებში ტრანზაქციების 2%-იანი კლება ფიქსირდება. გასათვალისწინებელია, რომ ახალ კორპუსებში პირველად ბაზარზე ტრანზაქციების ნაწილს დეველოპერები გვიან არეგისტრირებენ, რაც ართულებს პირველადი ბაზრის ზუსტი სურათის აღქმას. ძველ პროექტებში ნარჩუნდება კლების ტენდენცია - 2024 წლის თებერვალთან შედარებით მაჩვენებელი 27.2%-ით არის შემცირებული.

ბათუმში 2025 წლის თებერვალში ახალაშენებული ბინების საშუალო შეწონილი ფასი 14.4%-ით გაიზარდა და კვ.მ-ზე 1,189 აშშ დოლარი შეადგინა. ძველი ბინების შემთხვევაში კი მაჩვენებელი 8.8%-ით, კვ.მ.-ზე 1,099 აშშ დოლარამდე გაიზარდა.

ბათუმში 2025 წლის თებერვალში ახალაშენებული ბინების ტრანზაქციების რაოდენობა 9.4%-ით გაიზარდა, ძველი ბინების შემთხვევაში კი 16.9%-იანი კლება დაფიქსირდა.  

2025 წლის თებერვალში თბილისში ძველი ბინების საშუალო შეწონილი გასაყიდი ფასი 2024 წლის თებერვალთან შედარებით 12.6%-ით გაიზარდა ფართო ცენტრში, გარეუბანსა და ქალაქის ცენტრში კი 6.2% და 5.9%-იანი ზრდა დაფიქსირდა.

2025 წლის თებერვალში თბილისში ახალაშენებული ბინების საშუალო შეწონილი გასაყიდი ფასი 2024 წლის თებერვალთან შედარებით 20.4%-ით გაიზარდა ფართო ცენტრში, გარეუბანში 10.3%-იანი ზრდა დაფიქსირდა, ხოლო ქალაქის ცენტრში საშუალო შეწონილმა ფასმა 7.1%-ით მოიმატა. ფასების ყველაზე მნიშვნელოვანი ცვლილება შეინიშნა ფართო ცენტრში, რაც განპირობებულია იმით, რომ 2024 წლის თებერვალში ერთბაშად დარეგისტრირდა ორი მსხვილი პროექტის 3-4 წლის ტრანზაქციები, რამაც გამოიწვია საშუალო შეწონილი ფასის იმ დროისთვის შემცირება. ამ პროექტების გარეშე ფართო ცენტრში ფასები 3.9%-ით გაიზარდა.

2025 წლის თებერვალში თბილისში საცხოვრებელი ბინების ტრანზაქციების რაოდენობამ 3,205 ერთეული შეადგინა და წინა წლის თებერვალთან შედარებით 8.9%-იანი კლება დაფიქსირდა. ბაზრის ზომა 0.6%-ით, 234 მილიონ აშშ დოლარამდეა შემცირებული. 

2025 წლის თებერვალში ბათუმში საცხოვრებელი ბინების ტრანზაქციების რაოდენობა გასული წლის თებერვალთან შედარებით 6.4%-ით გაიზარდა და 1,177 ერთული შეადგინა, ბაზრის ზომა კი 13.1%-ით 64 მილიონ აშშ დოლარამდე გაიზარდა.

2025 წლის იანვარში თბილისში საცხოვრებელი ბინების ტრანზაქციების რაოდენობამ 2,892 ერთეული შეადგინა და წინა წლის იანვართან შედარებით 7.5%-იანი კლება დაფიქსირდა. ბაზრის ზომა 2.9%-ით, 208 მილიონ აშშ დოლარამდეა გაზრდილი. 

ბათუმში 2025 წლის იანვარში ახალაშენებული ბინების საშუალო შეწონილი ფასი 8%-ით გაიზარდა და კვ.მ-ზე 1,130 აშშ დოლარი შეადგინა. ძველი ბინების შემთხვევაში კი მაჩვენებელი 16.2%-ით, კვ.მ.-ზე 1,100 აშშ დოლარამდე გაიზარდა.