2022 წლის გასული 9 თვის მდგომარეობით, თბილისში საცხოვრებელი ბინების ტრანზაქციების რაოდენობამ 31,023 ერთეული შეადგინა და წინა წლის ანალოგიურ პერიოდთან შედარებით 21%-იანი ზრდა დაფიქსირდა. ბაზრის ზომა კი 35%-ით, 1.5 მილიარდ აშშ დოლარამდე გაიზარდა.

2022 წლის იანვარ-სექტემბერში თბილისში ახალ პროექტებში ტრანზაქციების 24%-იანი ზრდა ფიქსირდება, რაც ძირითადად განპირობებულია მედიუმ და პრემიუმ სეგმენტებში მოთხოვნის მნიშვნელოვანი ზრდით. ძველ პროექტებში კი მაჩვენებელი 16%-ით არის გაზრდილი.

2022 წლის გასული 9 თვის მდგომარეობით, თბილისში ახალაშენებულ მედიუმ სეგმენტის ბინებზე მოთხოვნა გაორმაგდა, პრემიუმ სეგმენტში კი მაჩვენებელი 137%-ით გაიზარდა. რაც შეეხება ეკონომ სეგმენტს, ტრანზაქციების რაოდენობა მხოლოდ 5%-ით გაიზარდა.

2022 წლის ბოლო 9 თვის მონაცემებით, ახალაშენებული ბინების საშუალო შეწონილი გასაყიდი ფასი 11%-ით გაიზარდა თბილისის ცენტრსა და ფართო ცენტრში, გარეუბნებში კი 9%-იანი ზრდა დაფიქსირდა. რაც შეეხება ძველ ბინებს, საშუალო შეწონილი გასაყიდი ფასი 8%-ით გაიზარდა გარეუბნებში, ქალაქის ცენტრსა და ფართო ცენტრში კი 7%-იანი ზრდა დაფიქსირდა.

2022 წლის ბოლო 9 თვის მონაცემებით ბათუმში საცხოვრებელი ბინების ტრანზაქციების რაოდენობა გასული წლის სექტემბერთან შედარებით 37%-ით, 12,094 ერთეულამდე გაიზარდა. ბაზრის ზომა კი 34%-ით 503 მილიონ აშშ დოლარამდე გაიზარდა.

ბათუმში 2022 წლის იანვარი-სექტემბრის პერიოდში ახალაშენებული ბინების ტრანზაქციების რაოდენობა 36%-ით გაიზარდა, ძველ ბინების შემთხვევაში კი 44%-იანი ზრდა დაფიქსირდა.

2022 წლის გასული 9 თვის მდგომარეობით, ბათუმში ახალაშენებულ მედიუმ სეგმენტის ბინებზე მოთხოვნა 50%-ით გაიზარდა 2021 წლის ანალოგიურ პერიოდთან შედარებით, ეკონომ სეგმენტში კი 37%-იანი ზრდა დაფიქსირდა. რაც შეეხება პრემიუმ სეგმენტს, ტრანზაქციებსი რაოდენობა 15%-ით გაიზარდა

ბათუმში 2022 წლის გასული 9 თვის მდგომარეობით ახალაშენებული ბინების საშუალო შეწონილი გასაყიდი ფასი მხოლოდ 1%-ით შემცირდა და კვ.მ-ზე 864 აშშ დოლარი შეადგინა. ძველ ბინების შემთხვევაში კი 6%-იანი ზრდა დაფიქსრიდა და მაჩვენებელი კვ.მ-ზე 668 აშშ დოლარს გაუტოლდა.

2022 წლის აგვისტოში თბილისში საცხოვრებელი ბინების ტრანზაქციების რაოდენობამ 3,689 ერთეული შეადგინა და წინა წლის აგვისტოსთან შედარებით 26%-იანი ზრდა დაფიქსირდა. ბაზრის ზომა კი 44%-ით, 190 მილიონ აშშ დოლარამდე გაიზარდა.

2022 წლის აგვისტოში ახალ პროექტებში ტრანზაქციების 35%-იანი ზრდა ფიქსირდება, რაც ძირითადად განპირობებულია მედიუმ და პრემიუმ სეგმენტების მნიშვნელოვანი ზრდით. ძველ პროექტებში კი მაჩვენებელი 10%-ით არის გაზრდილი.

2022 წლის აგვისტოში თბილისში ახალაშენებულ მედიუმ სეგმენტის ბინებზე მოთხოვნა გაორმაგდა, პრემიუმ სეგმენტში კი მაჩვენებელი 153%-ით გაიზარდა. რაც შეეხება ეკონომ სეგმენტს, ტრანზაქციების რაოდენობა 11%-ით გაიზარდა.

ახალაშენებული ბინების საშუალო შეწონილი გასაყიდი ფასი 13%-ით გაიზარდა ქალაქის ფართო ცენტრში - გარეუბნებსა და ქალაქის ცენტრში კი - 9% და 16%-ით. ძველ ბინებს რაც შეეხება, ქალაქის ცენტრსა და გარეუბნებში 12%-იანი ზრდა ფიქსირდება, ფართო ცენტრში კი მაჩვენებელი 14%-ით გაიზარდა.