2022 წლის პირველ ნახევარში თბილისში ახალ პროექტებში ტრანზაქციების 22%-იანი ზრდა ფიქსირდება, რაც ძირითადად განპირობებულია მედიუმ და პრემიუმ სეგმენტების მნიშვნელოვანი ზრდით. ძველ პროექტებში ტრანზაქციების მაჩვენებელი 16%-ით გაიზარდა 2021 წლის პირველ ნახევართან შედარებით.

2022 წლის პირველ ნახევარში თბილისში ახალაშენებულ პრემიუმ სეგმენტის ბინებზე მოთხოვნა გაორმაგდა, მედიუმ სეგმენტში კი მაჩვენებელი 95%-ით გაიზარდა. უნდა აღინიშნოს რომ მედიუმ სეგმენტში ზრდის დაახლოებით 24% შესაძლოა უკავშირდებოდეს წლის პირველ ნახევარში დეველოპერული პროექტების ჩაბარებას ან დასრულებას. რაც შეეხება ეკონომ სეგმენტს, ტრანზაქციების რაოდენობა 9%-ით შემცირდა.

2022 წლის პირველ ნახევარში თბილისში ახალაშენებული ბინების საშუალო შეწონილი გასაყიდი ფასი 9%-ით გაიზარდა ქალაქის ცენტრსა და გარეუბნებში, ფართო ცენტრში კი - 7%-ით. ძველ ბინებს რაც შეეხება, გარეუბნებში 7%-იანი ზრდა ფიქსირდება, ფართო ცენტრსა და ქალაქის ცენტრში კი - 6%.

2022 წლის პირველ ნახევარში ბათუმში საცხოვრებელი ბინების ტრანზაქციების რაოდენობა გასული წლის იმავე პერიოდთან შედარებით 34%-ით, 7,272 ერთეულამდე გაიზარდა. ბაზრის ზომა კი 30%-ით 304 მილიონ აშშ დოლარამდე გაიზარდა.

2022 წლის პირველ ნახევარში ბათუმში ახალაშენებული ბინების ტრანზაქციების რაოდენობა 28%-ით გაიზარდა წინა წლის პირველ ნახევართან შედარებით, ძველ ბინებზე კი მაჩვენებელი 72%-ით, 1,156 ერთეულამდე გაიზარდა.

2022 წლის პირველ ნახევარში ბათუმში ტრანზაქციების რაოდენობა 42%-ით გაიზარდა ახალაშენებული ბინების მედიუმ სეგმენტში და 2,742 ერთეული შეადგინა, მაშინ როცა ეკონომ და პრემიუმ სეგმენტებში მაჩვენებელი, შესაბამისად, 19% და 17%-ით გაიზარდა.

ბათუმში 2022 წლის პირველ ნახევარში ახალაშენებული ბინების საშუალო შეწონილი ფასი უნიშვნელოდ, 4%-ით შემცირდა და კვ.მ-ზე 856 აშშ დოლარი შეადგინა. ძველ ბინების შემთხვევაში კი 2%-იანი ზრდა დაფიქსირდა და მაჩვენებელი კვ.მ-ზე 663 აშშ დოლარს გაუტოლდა.

2022 წლის უკანასკნელი სამი თვის განმავლობაში ვირტუალური უძრავი ქონების ორ მოწინავე პლატფორმაზე (Decentraland; Sandbox) დაკვირვებით, ტრანზაქციის საშუალო ღირებულება შემცირდა და $4,000 შეადგინა. ფასის ვარდნა უკავშირდება კრიპტო ვალუტის გაუფასურებას, რომლითაც პლატფორმებზე ვაჭრობა ხორციელდება.

2022 წლის მაისში თბილისში საცხოვრებელი ბინების ტრანზაქციების რაოდენობამ 3,398 ერთეული შეადგინა და წინა წლის მაისთან შედარებით 56%-იანი ზრდა დაფიქსირდა. ბაზრის ზომა კი 69%-ით, 168 მილიონ აშშ დოლარამდე გაიზარდა

2022 წლის მაისში, თბილისში ახალ პროექტებში ტრანზაქციების 66%-იანი ზრდა ფიქსირდება, რაც ძირითადად განპირობებულია მედიუმ და პრემიუმ სეგმენტების მნიშვნელოვანი ზრდით. ძველ პროექტებში კი მაჩვენებელი 39%-ით არის გაზრდილი 2021 წლის მაისთან შედარებით.

2022 წლის მაისში თბილისში ახალაშენებულ მედიუმ სეგმენტის ბინებზე მოთხოვნა თითქმის გაორმაგდა, ეკონომ სეგმენტში კი მაჩვენებელი 44%-ით გაიზარდა. რაც შეეხება პრემიუმ სეგმენტს, ტრანზაქციების რაოდენობა 274%-ით გაიზარდა.

თბილისში ახალაშენებული ბინების საშუალო შეწონილი გასაყიდი ფასი ყველაზე მნიშვნელოვნად გაიზარდა ქალაქის ფართო ცენტრში - 14%-ით, გარეუბნებსა და ქალაქის ცენტრში კი - 10% და 3%-ით. ძველ ბინებს რაც შეეხება, კვლავ ფართო ცენტრში ფიქსირდება ყველაზე დიდი ზრდა - 12%, ქალაქის ცენტრსა და გარეუბნებში კი 8% და 5%.