მოკლე ვადიან პერიოდში მოსალოდნელია საცხოვრებელ უძრავ ქონებაზე ფასების ზრდის ტენდენციის შენარჩუნება, რაზეც დამატებით გავლენას რუსეთ-უკრაინის ომის ეფექტები მოახდენს.

2021 წელს მნიშვნელოვნად იკვეთება ფასების ზრდის ტენდენცია, რაც ძირითადად განპირობებულია სამშენებლო პროდუქტებზე ღირებულების ზრდით, ეკონომ სეგმენტზე მოთხოვნის ზრდით და რეგულაციების შედეგად გაზრდილი დანახარჯებით.

თბილისის გარეუბნებში 2012 წელთან შედარებით, 2021 წელს საცხოვრებელი უძრავი ქონების ბაზრის ზომა გასამმაგდა, ფართო ცენტრსა და ცენტრალურ უბნებში კი გაორმაგებული მაჩვენებელი ფიქსირდება.

ბოლო 10 წელში ქალაქის ცენტრში ძველ პროექტებში ფასების მნიშვნელოვანი ცვლილება არ ფიქსირდება.

ბოლო ათწლეულში თბილისის გარეუბნებში ახალაშენებული ბინების ღირებულება მზარდი ტრენდით ხასიათდება და 2021 წელს 11%-ით გაიზარდა 2012 წელთან შედარებით.

2021 წელს ქალაქის ცენტრში* ახალ პროექტებში ბინის საშუალო ღირებულება 939 აშშ დოლარს შეადგენს, ფართო ცენტრში 742 აშშ დოლარს, ხოლო გარეუბნებში 578 აშშ დოლარს.

მარტში საცხოვრებელ უძრავ ქონებაზე მოთხოვნის ზრდის ტენდენცია გაგრძელდა, ამასთან ბოლო წლებთან შედარებით ერთ-ერთი ყველაზე მაღალი საშუალო შეწონილი ფასი დაფიქსირდა.

თბილისში 2022 წლის მარტში 3,713 ტრანზაქცია განხორციელდა და წინა წლის იგივე პერიოდთან შედარებით 20%-იანი ზრდა დაფიქსირდა. ბაზრის ზომა 36%-ით გაიზარდა და 180 მილიონ აშშ დოლარი შეადგინა. 2022 წლის იანვარსა და თებერვალში 2021 წლის ანალოგიურ პერიოდთან შედარებით ტრანზაქციების 33% და 15%-იანი ზრდა დაფიქსირდა.

ახალ პროექტებში ტრანზაქციები 24%-ით, ხოლო ძველ პროექტებში 13%-ით გაიზარდა.

ახალაშენებულ მედიუმ სეგმენტის ბინებზე მოთხოვნა გაორმაგდა და პრემიუმ სეგმენტში მაჩვენებელი თითქმის 2.5-ჯერ გაიზარდა.

ქალაქის გარეუბნებში ახალაშენებული ბინების საშუალო შეწონილი გასაყიდი ფასი 8%-ით, ცენტრსა და ფართო ცენტრში კი - 6% და 8%-ით გაიზარდა.

მიუხედავად იმისა, რომ 2021 წელს ბაზარი მკვეთრად გაიზარდა, ის ჯერ არ არის მასობრივი. ვირტუალურ უძრავ ქონებაში რამდენიმე 10 ათასი ადამიანი არის ჩართული, თუმცა, Facebook-ის Meta-ს მასაზე გაყვანა 3D ვირტუალური სამყაროს პოპულარობას მრავალჯერ გაზრდის, რაც ლოგიკურია, რომ განაპირობებს ვირტუალური უძრავი ქონებით დაინტერესებული სეგმენტის რაოდენობის ზრდას.