2023 წლის იანვარში ბათუმში საცხოვრებელი ბინების ტრანზაქციების რაოდენობა გასული წლის იანვართან შედარებით 75%-ით, 1,330 ერთეულამდე გაიზარდა, ბაზრის ზომა კი 98%-ით გაიზარდა და 58 მილიონი აშშ დოლარი შეადგინა.

ბათუმში 2023 წლის იანვარში ახალაშენებული ბინების ტრანზაქციების რაოდენობა 76%-ით გაიზარდა, ძველი ბინების შემთხვევაში კი 72%-იანი ზრდა დაფიქსირდა.  

ბათუმში 2023 წლის იანვარში მოთხოვნა ახალაშენებულ პრემიუმ სეგმენტის ბინებზე, მნიშვნელოვნად, 339%-ით გაიზარდა, ეკონომ და მედიუმ სეგმენტებში კი მოთხოვნის 39% და 68%-იანი ზრდა დაფიქსირდა, რამაც 579 და 296 ერთეული შეადგინა.  

ბათუმში 2023 წლის იანვარში ახალაშენებული ბინების საშუალო შეწონილი ფასი 34%-ით გაიზარდა და კვ.მ-ზე 924 აშშ დოლარი შეადგინა. ძველი ბინების შემთხვევაში კი მაჩვენებელი 6%-ით, 674 აშშ დოლარამდე გაიზარდა.

2022 წლის დეკემბერში ბათუმში საცხოვრებელი ბინების ტრანზაქციების რაოდენობა გასული წლის დეკემბერთან შედარებით 38%-ით, 1,734 ერთეულამდე გაიზარდა, ბაზრის ზომა კი 116%-ით გაიზარდა და 107 მილიონი აშშ დოლარი შეადგინა.

ბათუმში 2022 წლის დეკემებერში ახალაშენებული ბინების ტრანზაქციების რაოდენობა 38%-ით გაიზარდა, ძველი ბინების შემთხვევაში კი 35%-იანი ზრდა დაფიქსირდა.  

ბათუმში 2022 წლის დეკემბერში ტრანზაქციების რაოდენობა ახალაშენებულ მედიუმ და პრემიუმ სეგმენტის ბინებზე მნიშვნელოვნად, 53%-ით და 185%-ით გაიზარდა, ეკონომ სეგმენტში კი მაჩვენებლის მხოლოდ 6%-იანი ზრდა დაფიქსირდა, რამაც 758 ერთეული შეადგინა.

ბათუმში 2022 წლის დეკემბერში ახალაშენებული ბინების საშუალო შეწონილი ფასი 23%-ით გაიზარდა და კვ.მ-ზე 912 აშშ დოლარი შეადგინა. ძველი ბინების შემთხვევაში კი მაჩვენებელი 9%-ით, 659 აშშ დოლარამდე გაიზარდა.

2022 წლის დეკემბერში თბილისში საცხოვრებელი ბინების ტრანზაქციების რაოდენობამ 3,967 ერთეული შეადგინა და 2019 წლის დეკემბერთან შედარებით 33.7%-იანი ზრდა დაფიქსირდა.უნდა აღინიშნოს, რომ 2021 წლის დეკემბერში მაჩვენებელი საკმაოდ მაღალ ნიშნულზე დაფიქსირდა, რაც გამოწვეული იყო ერთ-ერთი მსხვილი დეველოპერის მიერ ტრანზაქციების ერთიანად დარეგისტრირებით. ბაზრის ზომას რაც შეეხება, მაჩვენებელი 53%-ით, 217 მილიონ აშშ დოლარამდე გაიზარდა. 

2022 წლის დეკემბერში თბილისში ახალ პროექტებში 2019 წლის დეკემბერთან შედარებით ტრანზაქციების 40%-იანი ზრდა ფიქსირდება, ძველ პროექტებში კი მაჩვენებელი 21%-ით არის გაზრდილი.

2022 წლის დეკემბერში თბილისში ახალაშენებულ პრემიუმ სეგმენტის ბინებზე მოთხოვნა გასამმაგდა, მედიუმ სეგმენტში კი 820 ერთეული დარეგისტრირდა, რაც ორჯერ მეტია 2019 წლის მაჩვენებელთან. რაც შეეხება ეკონომ სეგმენტს, ტრანზაქციების რაოდენობა მხოლოდ 15%-ით გაიზარდა.

2022 წლის დეკემბერში 2019 წლის ანალოგიურ პერიოდთან შედარებით თბილისში ახალაშენებული ბინების საშუალო შეწონილი გასაყიდი ფასი 14%-ით გაიზარდა ქალაქის ცენტრში, ფართო ცენტრში - 22%-ით, გარეუბნებშიკი 28%-იანი ზრდა დაფიქსირდა.